РЕСПУБЛИКАЛЫҚ ЖАС ҰЛАН ҰЙЫМЫНА 100 ОҚУШЫ ҚАБЫЛДАНДЫ
Жақында пайдалануға берілген «Рәміздер» алаңында өткен «Аға ұрпаққа ұлағат, жас ұрпаққа аманат» атты шарада оқуда озат, талапты 100 оқушы «Жас ұлан» ұйымына қабылданды."Жас Ұланға" қабылданушы оқушылар барша Арал жұртшылығының алдында туған еліне адал болуға, елінің атын шығаруға, ата-аналарын құрметтеп, өзі қарайлас өзге оқушыларға үлгі көрсетуге ант берді.Облыс әкімінің орынбасары Р.Рүстемұлы республикалық «Жас ұлан» ұйымына қабылданып жатқан барша оқушыларды жақсы оқып, елінің, ата-анасының сенімін ақтайтын азамат болуға шақырды.
Сонымен қатар, «Ұрпақтан-ұрпаққа» қоғамдық бірлестігінің төрайымы А.Божанова оқушыларға деген ізгі тілегін арнап, қоғамдық бірлестік атынан естелік сыйлық табыстады.
