АРДАГЕРЛЕРДІ АРНАЙЫ ҚҰТТЫҚТАДЫ
Облыс әкімінің орынбасары Қуанышбек Ысқақов Арал ауданындағы Ұлы Отан соғысының ардагерлері Таужан Жанасов мен Берден Тұрсынбаевтың отбасына барып, майдангерлерді Жеңіс күнімен құттықтады.Облыс әкімінің орынбасары ардагерлердің жасаған ерлігі ұрпақтары үшін үлгі болып қала беретінін айтып, ақжарма тілегін жеткізді. Сондай-ақ жеңісті жақындатқан жандарға сый-сияпат көрсетіп, облыс әкімі Қырымбек Көшербаевтың құттықтау хатын табыстады.
Тоқсаннан асқан қос қария да ақ батасын беріп, ел мен жерге тыныштық тіледі.
