Ауыл тұрғындары референдумды қолдайды

Сазды ауылдық округіне ҚР Парламенті Мәжілісінің депутаты Геннадий Шиповских арнайы келіп, еліміздегі маңызды саяси оқиға – референдум жөнінде үгіт-насихат жұмыстарын жүргізді.

Кездесу еркін форматта тұрғындармен пікірлесуден басталды.

Ең алдымен, билік пен қоғамдағы өзгерістерге және орын алған саяси олқылықтарға тоқталды. Одан әрі, облыстық мәслихат депутаты Лаура Қолғанатқызы, аудандық мәслихат хатшысы Базарбай Шөменұлы елдің болашағы үшін елеулі саяси науқанда, яғни 5 маусым күні өтетін референдумға бір кісідей атсалысуға шақырды.