Қостанай облысында төтенше жағдай жариялануы мүмкін
Қостанай облысының әкімдігі жергілікті ауқымдағы төтенше жағдайды жариялау мәселесін пысықтап жатыр, деп хабарлайды Egemen.kz.«Қостанай облысындағы табиғи өртке байланысты көмекке мұқтаж халық ТЖД-да ашылған жедел желі телефонына хабарласуына болады. Жергілікті атқарушы органдар эвакуацияланған адамдарды Әулиекөл орта мектебі мен Әулиекөл мектеп-интернатына орналастырды. ТЖ министрлігі мен ТЖ департаментінде 8 717 2 53 32 84, 8 714 2 50 36 24 номерлері бойынша жедел желі ашылды. Психологтар да жұмыс істеп жатыр. Сонымен қатар көмекке мұқтаж азаматтар 112 немесе 101 телефондарына хабарласуына болады. Сондай-ақ Қостанай облысының әкімдігі жергілікті ауқымдағы төтенше жағдайды жариялау мәселесін пысықтауда», деп жазылған хабарламада.
