Қостанайға көмек: Аралдықтар игі істен шет қалмады

Арал ауданының жұрты да қостанайлықтармен бірге. Кешелі бері теңізді өлке тұрғындары өрттен зардап шеккендер үшін қажетті заттар мен азық-түлік қорын жинап, қол ұшын созуға асығуда. Бүгінде «AMANAT» партиясының аудандық филиалында гуманитарлық көмек көрсету штабы құрылған. Қостанайдағы жағдайға бей жай қарамаған аралдықтар алғашқы күннен-ақ, шама-шарқынша азық-түлік, тұрмысқа қажетті заттарды әкеліп өткізуде. Жиналған қор бірер күнде солтүстік аймаққа жөнелтілетін болады.

Ержан Сабырбай, белсенді:

Демеушілер тарапынан, аудандық мәслихат депутаттарынан, кәсіпкерлер тарапынан көмек көрсету жұмыстары жүргізіліп жатыр. Әлі де біз Қостанай халқына тағы да гуманитарлық көмек жеткізу жұмыстарын жеткізетін боламыз.

"Толқын" ақпарат