Мемлекет басшысы Республика күніне арналған салтанатты концертке барды
Президент Қасым-Жомарт Тоқаев Республика күніне арналған салтанатты концертті тамашалады. Мерекелік іс-шара «Астана Опера» опера және балет театрында өтті. Концертте отандық танымал өнер жұлдыздары, опера әншілері, хореографиялық топтар, сондай-ақ симфониялық оркестр өнер көрсетті.
Айта кетейік, Республика күніне арналған осы салтанатты шараға Қызылорда облысының делегациясы қатысты. Солардың қатарында облыстық ардагерлер кеңесінің төрағасы Серік Дүйсенбаев, Қазақстанның Еңбек Ері Абзал Ералиев, қоғам қайраткерлері Самұрат Имандосов, Шахизат Төребаев, Серхожа Ыдырысов, Найля Палымбет, «Сыр медиа» ЖШС директоры Аманжол Оңғарбаев және мәдениет қайраткері Үміт Медеуова, облыстық қоғамдық даму басқармасы басшысының орынбасары Алмасбек Есмаханов, облыстық мәслихат депутаты Нұрболат Ибраев болды.
