АУДАН ӘКІМІ ҚОҒАМДЫҚ КЕҢЕС АЛДЫНДА ЕСЕП БЕРДІ

Аудан әкімдігінің мәжіліс залында қоғамдық кеңес отырысы өтті. Күн тәртібіне қойылған мәселелер бойынша алдымен аудан әкімі Мұхтар Оразбаев өткен жылы аудан көлемінде атқарылған жұмыстарды баяндап, алдағы жоспарлармен бөлісті.Содан соң аудандық мәслихат хатшысы Дәуренбек Мадинов өз хабарламасында жыл көлемінде жасаған жұмыстарына жан-жақты тоқталып өтті. 2018 жылы аудандық мәслихатта 4 кезекті, 12 кезектен тыс сессия өткізілген.
Аудандық қоғамдық кеңес төрағасы Алдаберген Жоланов есепті кезеңде атқарылған жұмыстардың есебін беріп, қоғамдық кеңесте қозғалған және шешімін тапқан мәселелер жөнінде хабарлама жасады. Мәселен, аудандық жедел жәрдем стансасы заманауи құрал-жабдықтармен қамтамасыз етілген жаңа 3 көлікпен толықтырылып, шұғыл медициналық қызмет көрсету мәселесі шешімін тапса, ҚР Үкіметінің қаулысына сәйкес, Қызылорда облысының сағаттық белдеуі уақытына сәйкес бір сағатқа кейінге шегерілді.
Қоғамдық кеңес отырысына қоғамдық кеңестің мүшелері, БАҚ өкілдері, аудандық құрылымдық дербес бөлім басшылары, аудандық және қалалық ардагерлер кеңестерінің төрағалары қатысты.
Жиын соңында қоғамдық кеңес мүшелері тарапынан аудан әкімінің және аудандық мәслихат хатшысының есептері негізінде өткен жылғы қызметтеріне оң баға беру туралы қарар қабылданды.