Аудандық мәдениет үйінде әлеуметтік саладағы енгізілген өзгерістерді түсіндіру ел арасында насихаттау мақсатында мобильдік топ ауданда болып, жиын өткізді,-деп хабарлайды Арал ауданы әкімдігінің баспасөз қызметі. Семинарды аудан әкімінің орынбасары Р. Өтешов жүргізді.Мобильдік топ мүшелері Қызылорда облысының жұмыспен қамтуды үйлестіру және әлеуметтік бағдарламалар басқармасының бөлім басшысы Ж. Даулетбаева бірыңғай жиынтық төлемнің енгізілуі, жұмыспен қамту саласындағы жаңалықтар, электрондық еңбек биржасы туралы, ҚР Еңбек және халықты әлеуметтік қорғау министрлігі Еңбек, Әлеуметтік қорғау және көші-қон комитетінің Қызылорда облысы бойынша департаменті басшысының орынбасары – Л. Боранбаева базалық зейнетақыны тағайындау әдістемесінің өзгеруі, әйелдердің зейнетке шығу жасының ұлғайтылуы туралы өз хабарламасында түсіндіріп өтті.
Қызылорда облысы бойынша «Мемлекеттік әлеуметтік сақтандыру қоры» АҚ филиалының директоры Г. Денеева міндетті әлеуметтік сақтандыру жүйесі туралы, 2019 жылға енгізілген басты өзгерістер туралы және «Әлеуметтік медициналық сақтандыру қоры» коммерциалық емес акционерлік қоғамы Қызылорда облысы бойынша филиалының бас сарапшысы А. Рахымов міндетті әлеуметтік медициналық сақтандыру жүйесі туралы жан-жақты баяндады.
Сонымен қатар, Елбасының Жолдауына сәйкес, жалақының көбеюі және электрондық еңбек шарттары, жалпы еңбек саласындағы жаңалықтар жөнінде Қызылорда облысының еңбек саласындағы бақылау басқармасының бөлім басшысы С. Альшоразова семинар барысында хабардар етті.
Жиынға қатысушылар мобильдік топ мүшелеріне қозғалған мәселелерге байланысты сауалдарын қойып, тұшымды жауаптарын алды.