Ұйым жұмысына оң баға берілді

2023 жылдың 9 тамыз күні Жетес би ауылдық округі бойынша БПҰ-ның есеп беру-сайлау жиналысы болып өтті. Жиын барысында бастауыш партия ұйымының төрағасы Р.Жолмырзаев екі жылда партияның атқарған жұмыстары мен алда жүргізілетін жұмыстарына нақты тоқталды. Партия мүшелері атқарылған жұмыстарға оң бағасын беріп, алдағы уақытта да жұмыстардың нәтижелі орындалатынына толық сенім білдірді. Күн тәртібіндегі мәселелер бойынша алдағы атқарылатын міндеттер талқыланды.

Жиын барысында бастауыш партия ұйымы жергілікті жерде партия саясаты мен оның стратегиялық міндеттерін жүзеге асырып, халықпен және әрбір партия мүшесімен етене жұмыс істейтін құрылым екендігіне басты назар аударылды. Сонымен қатар Райым ауылдық округі БПҰ төрайымы Б.Есенбаеваның қызмет ауыстыруына байланысты өз келісімімен Райым а/о бастауыш партия ұйымы Жетес би а/о БПҰ құрамына бірігіп қосылды. Барлық партия мүшелері бастауыш партия ұйымының атқарылған жұмыстарына сәттілік  тілеп,алдағы кезеңге белгіленген міндеттер мен барлық іс-шараларды қолдайтындығын жеткізді.

Жиын соңыңда Арал аудандық партия филиалының кезекті XLII конференциясына екі делегат ұсынылды.