Жәрмеңкеде Алтын күздің өнімдері ұсынылды

Аудан орталығында Қызылорда облысының 85 жылдығы және Арал ауданының 95 жылдық мерейтойына орай ауыл шаруашылығы өнімдерінің жәрмеңкесі өтті.

 Алтын күздің тоқшылық меркесіне кент және ауылдық округтерден 1,5 тонна ет, 300 литр шұбат, 3 тонна балық және 20 бас қой әкелінді.

Бұдан басқа, аудандағы балық өңдейтін 3 кәсіпорыннан барлығы 5 тонна балық және балық өнімдері, өңірдегі ірі 3 шаруа қожалығынан  1,2 тонна ет және «Аралтұз» АҚ-ы 2 тонна ас тұзы, Қамыстыбас балық  питомнигінінен 1 көлікпен тірі балық келді. Сондай-ақ Сырдария, Жалағаш аудандарынан 6 тонна күріш, Қазалы ауданынан «РЗА» АҚ-ның 2 тонна сүт, май өнімдері, қосымша «Байқоңыр» ӘКК» АҚ-ның тұрақтандыру қорынан 20 тонна азық-түлік  тауарлары сатылымға шығарылады.

       Барлығы 20-ға жуық көлікпен 50 тоннадан аса ауыл шаруашылығы өнімдері әкелінді. Ауданның дихандары мен тауарөнідірушілері жеміс-жидек, көкөніс дақылдары және азық-түлік тауарлары, ет және балық өнімдерін Арал қаласының тұрғындарына нарықтағы бағадан 10-15 пайыз төмен бағада ұсынды.

Арал ауданы әкімдігінің баспасөз қызметі