Аудан әкімі облыстың Бас имамымен кездесті

Арал ауданының әкімі Аманжол Оңғарбаев Қазақстан Мұсылмандар Діни Басқармасының Қызылорда облысы бойынша өкілі, «Ақмешіт-Сырдария» мешітінің бас имамы Дастан Құрманбаевты қабылдады.

Аудан басшысы кездесу барысында өңірдегі діни ахуалдың тұрақты екендігін айтып, бұл бағыттағы ауқымды жұмыстардың жүйелі жүргізіліп жатқандығын жеткізді. Сондай-ақ алдағы уақытта ақпараттық насихаттық топпен бірге жан-жақты іс-шаралар қолға алынатындығына тоқталды.

Өз кезегінде облыстың бас имамы Діни Басқарманың игі бастамаларына қолдау білдіріп, жанашырлық танытуға ықылас білдірген аудан басшысына ризашылығын білдірді.

Арал ауданы әкімдігінің баспасөз қызметі