Жұмыла көтерген жүк жеңіл

Мемлекет басшысы Қасым-Жомарт Тоқаевтың Қазақстан халқына жасаған үндеуі көңілге қонымды. Алтай мен Атырауды алып жатқан ұлан-ғайыр даламыз не көрмеді? Тарих қатпарына үңілсек қаншама қиындықты бастан өткерді. Президент Республиканың бірнеше облысы мен аудандарында орын алған су тасқынына қатысты үндеуінде ,барша жұртшылықты табиғи апаттың салдарымен бірге күресуге шақырды.

  Қазақтың қанында бар бірлік бұл жолы да елді тосыннан келген тығырықтан шығаратыны анық. Еріктілер, тәртіп сақшылары және өзге де шын ниетімен жабыққанның жанынан табылып,  қиналғанның жанына келген отандастарыма айтар алғысым шексіз – деді Президент .

Тәңірдің көзі түзу болып, үлкен-кіші бір жағадан бас, бір жеңнен қол шығарғанда ғана кез келген оқыс жағдайдан шыға алатынымыз анық.

     Лайым, ел аман жұрт тыныш болып, қазақстандықтар ендігі жерде апат көрмегей!

    Абай ЕЛЕШОВ,

    Қазақстан журналистер одағының мүшесі.