Арал қаласында негізгі деңгей бойынша біліктілік арттыру курстары өтуде

Ағымдағы жылдың 28 қазан - 2 қараша аралығында мақсатты мектептің педагог қызметкерлеріне арналған біліктілік арттыру курстары өтуде.

Курстар көшпелі негізде Арал қаласындағы іргелі білім ордаларында бастауыш сынып, қазақ тілі мен әдебиеті, тарих, математика, информатика және география пәндері бойынша ұйымдастырылып, тыңдаушы әріптестерге "Өрлеу" БАҰО" АҚ Қызылорда облысы бойынша Кәсіби даму институтының тренерлері дәріс жүргізіп отыр.

Тренерлер өңіріміздегі алдыңғы қатарлы білім беру ұйымдарының мұғалімдері мен республикалық деңгейде танымал шығармашыл да озат тәжірибелі ұстаздарынан құралған. Тренерлердің мұндай құрамы тыңдаушылардың жетекшілермен етене жақын араласып, әріптестік байланыстарының тығыз болуына септігін тигізері анық.