Жеңістеріңіз құтты болсын!

2025 жылдың 3 – 7 ақпан күндері аралығында Шымкент қаласында бокстан 2011 – 2012 жылдары туылған кіші жасөспірім қыздар арасындағы Қазақстан Республикасының чемпионаты болып өтті. Аталған жарысқа екі спортшы қатысып, облыс намысын абыроймен қорғады.

Атап айтар болсақ, Оразбекқызы Дана 37 кг салмақ дәрежесі бойынша І орын иеленіп, 2 дүркін Қазақстан Республикасы чемпионатының жеңімпазы атанды.

Дана 2024 жылғы ҚР чемпионатының жеңімпазы.

Екінші спортшы Нұрлыбекқызы Раушангүл 46 кг салмақ дәрежесінде жарыстың қола жүлдегері атанды.

Дана Арал қаласындағы №83 орта мектепте оқыған. Қазіргі таңда Алматы қаласы «Шаңырақ» шағын ауданындағы «Олимпиада резервінің республикалық мамандандырылған мектеп – интернат -колледжінің» 8 сынып оқушысы.

Болшағынан үміт күттірген мақтаныштарымыз бокс спортымен 2020 жылдан бастап шұғылданады. Жаттықтырушылары - №19 Арал ауданының ОРМБЖ мектебінің бокс бөлімшесінің біліктілігі жоғары деңгейдегі І санатты жаттықтырушысы Мыңжасаров Мақсат.

Спортшыларды жеңістерімен құттықтап, алдағы жарыстарына сәттілік тілейміз! Жеңістеріңіз құтты болсын!