Мемлекеттік қызметшілермен кездесу өткізілді

Бүгін аудан әкімі аппаратының персоналды басқару қызметінің басшысы, әдеп жөніндегі уәкіл Ж. Қаратаев пен аудан әкімі аппаратының Мемлекеттік-құқықтық жұмыстар бөлімінің басшысы Ж. Қуатов аудандық мәдениет және тілдерді дамыту бөлімі мен аудандық дене тәрбиесі, спорт және туризм бөлімдерінде болып, қызметшілермен кездесулер өткізді.

Басқосуда Ж. Қаратаев мемлекеттік қызметшілердің қызметтік әдеп нормаларын, қызметтік этика талаптарын сақтау, сондай-ақ мемлекеттік қызметшілерге тыйым салынған ойын бизнесіне қатысу туралы жан-жақты ақпарат берді.

Мұнан соң, Ж. Қуатов күн тәртібінен түспейтін сыбайлас жемқорлыққа қарсы іс-қимыл мәселелеріне тоқталып, заң талаптарын мүлтіксіз сақтау қажеттігін атап өтті.

Кездесу соңында қатысушылар тарапынан пікір алмасу болып, мемлекеттік қызметшілер тарапынан заң талаптарын бұзбау, әдеп нормаларын сақтау сынды ұсыныстар мен ой-пікірлер айтылды.

Арал ауданы әкімінің баспасөз қызметі