Толқын Tolqyn.kz ақпараттық агенттігі
» » Кальцийлендірілген сода зауытының құрылысы басталады

Кальцийлендірілген сода зауытының құрылысы басталады

Мемлекет тарапынан жасалған қолдаудың көмегімен бүгінгі таңда Арал ауданы көлемінде кәсіпкерлік саласы жыл сайын артып келеді. Өз кәсібін бастап, кәсіпкерлікке бет бұру ниеті барлар қаншама. Түрлі мемлекеттік бардарламалардың игілігін сезініп, өз жұмыстарын жандандырам деушілердің көбейгені бізді де қуантады.
Қазірде кәсіпкерлеріміз ата кәсіптің ізін өшірмей балық шаруашылығымен айналысып, Арал балығының сапасын шет елдерге танытса, енді бірі мал шаруашылығын жандандырып келеді. Өзге де бұйымдар жасап, республика көлемінде танымал болуда.
Облыс әкімінің есепті кездесуінде аймақ басшысы Қ.Көшербаев үстіміздегі жылды осы бағыттағы жұмыстарды одан әрі дамыту үшін облысымызда кәсіпкерлікті дамыту жылы деп жариялағаны белгілі. Бұл барша тұрғындардың осы салаға деген қызығушылығын тіпті еселейтініне сеніміміз мол. Сондай-ақ, тағы бір үлкен зауыттың бой көтерері аудан жұртшылығын қуантты.
Ол – кальцийлендірілген сода өндіру зауыты. Наурыз айында құрылысы басталатын бұл зауыт республикалық индустрияландыру картасына еніп, жоба құны 93,5 млрд теңгеге бағаланды. Заманауи зауыт толығымен іске қосылғанда мемлекетке шет елдерден жеткізілетін кальцийлендірілген соданың 75%-ын өтейді. Бұл – отандық өнімнің үлесі артады деген сөз.
Қ. Нұрқожаев,
аудандық кәсіпкерлік, өнеркәсіп және
туризм бөлімінің бас маманы.
16 ақпан 2018 ж. 1 264 0