ӘЛЕУМЕТТІК МАҢЫЗЫ БАР АЗЫҚ-ТҮЛІК ТАУАРЛАРЫНА МОНИТОРИНГ ЖАЛҒАСУДА

Аудан көлемінде әлеуметтік маңызы бар 19 түрлі азық-түлік өнімдерінің бағасына тұрақты түрде мониторинг жұмыстары жүргізілуде. Жұмысшы топ сауда орындарын аралап, өнімдердің қазіргі бағасын саралап, шекті бағадан асып кетпеуін бақылауда.
Мониторинг барысында кәсіпкерлермен кездесулер өткізіліп, негізсіз баға өсіруге жол бермеу, белгіленген шекті бағаны сақтаудың маңыздылығы туралы түсіндіру жұмыстары жүргізілді.

Сонымен қатар, азық-түлік бағасын төмендету және тұрақтандыру бағытында жергілікті әкімдік тарапынан нақты шаралар қабылдануда.

Атап айтқанда, қыс мезгіліне арналған картоп, сәбіз, жуа, қырыққабат сияқты көкөністердің бағасын тұрақты ұстап тұру бағытында аудан орталығындағы жұмысшы топпен рейд шаралар ұйымдастырылуда.