Машбек ауылындағы балуандар бәсекесі

Бүгін Жаңақорған ауданында Еңбек және тыл ардагері, «Құрмет белгісі» орденінің иегері Машбек Нәлібаевтың 100 жылдығына арналған қазақ күресінен республикалық ашық турнир өтіп жатыр.

Ашылу салтанатында облыс әкімі Мұрат Ергешбаев, мемлекет және қоғам қайраткері Мархабат Жайымбетов, облыстық ардагерлер кеңесінің төрағасы Серік Дүйсенбаев және отбасы атынан Пазылбек Нәлібаев сөз сөйледі. Олар Машбек атаның еңбек жолын өскелең ұрпаққа үлгі ретінде атап өтіп, жарысқа қатысушыларға сәттілік тіледі.

Биылғы мерейтойлық турнирге еліміздің барлық өңірінен 250-ге жуық жас балуан қатысуда.

Аталған турнирдің Жаңақорған ауданы Машбек Нәлібаев ауылындағы спорт кешенінде өтіп жатқанын айта кеткен жөн.

Нұрболат Нұржаубай