АРАЛДЫҚТАРҒА РИЗАШЫЛЫҒЫМ ШЕКСІЗ

Айдынды Арал өңірі–менің құтты мекенім. Ширек ғасырға тарта уақыт шегінде аталарым осында көшіп келіп, өз ырыс-несібесін балығы тулап, шағаласы шулаған Арал теңізінен тапқан. Содан бері бізге берекелі өлкенің даласындай дархан халқы да бауырмалдық пен қамқорлық танытып келеді. Мен қазақ балаларымен тай-құлындай тебісіп қатар өстім. №14 орта мектепте білім алдым. Кейін өмірлік серігім Айзадамен шаңырақ көтеріп, қазақтарға күйеу бала болдым. Қазіргі таңда Айзада екеуміз 4 бала тәрбиелеп отырмыз.

Жүрегі жомарт аралдықтар ешқашан бізге өзге ұлт деп қараған емес. Керісінше, қай жерде болмасын құрмет көрсетіп, құшақ жая қарсы алады. Қазақтардың бұл қасиетін мен де бойыма сіңіріп келемін. Өзімен бар жақсысын аямаған аралдықтарға кызмет етуді азаматтық борышым деп білемін.

Қазірде аудандық «Толқын» газетінде газет тасымалдаушы болып жұмыс жасаймын. Жұмысым өзіме ұнайды. Мен осындай кең пейілді жұрты бар жерде бақытты күн кешіп жүргеніме шексіз ризамын. Сондай-ақ, маған мол мүмкіндіктер бергені үшін аралдықтарға зор алғысымды білдіремін.

Александр Амелькин,

газет тасымалдаушы