Толқын Tolqyn.kz ақпараттық агенттігі
» » Павлодар облысында ҰБТ-ға түлектердің 81,5% қатысады

Павлодар облысында ҰБТ-ға түлектердің 81,5% қатысады

Ұлттық бірыңғай тестілеу 20 маусым мен 5 шілде аралығында өткізіледі,

Облыстық білім беру басқармасының хабарлауынша, 20-27 маусым күндері - ҰБТ ағымдағы жылғы жалпы орта білім беру ұйымдарының түлектері үшін, 28 маусымнан 5 шілдеге дейін – өткен жылдардағы білім беру ұйымдарының түлектері, техникалық және кәсіптік немесе орта білімнен кейінгі білім беру ұйымдарының түлектері, шетелде халықаралық оқушылар алмасу желісі бойынша оқыған түлектер үшін, сондай-ақ шетелде оқу орындарын бітірген Қазақстан азаматтары болып табылмайтын ұлты қазақ адамдар үшін ҰБТ өткізіледі. 
"Қазіргі уақытта 20-27 маусым аралығында ҰБТ-ға 2927 түлек немесе 2019 жылғы мектеп түлектерінің жалпы санының 81,5% (2018 жылы – 69,5%) қатысу жоспарлануда, - дейді басқармада. 
Тестілеу ҰБТ-ның 10 пунктінде, 3 қалада (Павлодар қаласы – 3, Ақсу қаласы – 1, Екібастұз қаласы – 1) және 5 ауданда (Ақтоғай ауылы - 1, Баянауыл ауылы - 1, Ертіс ауылы - 1, Железинка ауылы - 1, Тереңкөл ауылы - 1) өткізіледі.
Қорытынды аттестаттауға жалпы орта білім беретін мектептің 3491 түлегі қатысты. Тестілеу нәтижелері бойынша «Алтын белгі» белгісін алған түлектер саны - 157 (2018 жылы – 208), Үздік аттестат алған түлектер саны – 126 (2018 жылы – 107).
https://baq.kz
18 маусым 2019 ж. 732 0