Әлеуметтік жәрдемақы көп көмегін тигізуде

Мен көп балалы анамын. Арал қаласында тұрып жатқаныма көп бола қойған жоқ. Бұған дейін тіршілік қамымен өзге жерлерде жүріп, жолдасым екеуміз жұмыс жасадық. Қазіргі таңда 7 балам бар. Жетінші перзентім жақында ғана дүниеге келді. Жолдасым жұмыс жасайды. Ал өзім қазіргі таңда осы балаларымның күтімімен үйде отырмын. Менің айтпағым соңғы кездері үкімет көп балалы отбасылар мен тұрмысы төмен түрлі әлеуметтік санаттағы жанұяларға көмек көрсетіп, көтеген мүмкіндіктер беріп жатыр ғой. Мәселен, үстіміздегі жылдың сәуір айынан бастап беріле басған бала басына есептелетін 21 теңге мөлшеріндегі әлеуметтік қолдауды сезініп жатырмыз. Қазіргі уақытта бізге айма ай осы қаржылай қолдау түріндегі әлеуметтік төлем түсіп отыр. Бұрынғыдай емес осы қаржыға қол жеткізгелі бері тұрмыстық жағдайымыз да біршама жақсарып қалды. Әйтеуір балаларымның қажетін өтеуге жетіп жатыр. Олар уақыт өте есейген сайын қажет дүниелерінің саны да арта береді ғой. Әзірге шүкір бұл жағынан мемлекеттік төлемді жеткізіп келеміз. Біз секілді аналарға, жалпы әлеуметтік осал топтағы жанұяларға көмек көрсетіп жатқан ел билігінің бұл жолғы қадамы көптің көңілінен шығып жатыр.
Өз басым барлық қолдауға дән ризамын. Енді міне, халықтың әлеуметтік жағдайын ескеріп, түрлі санаттағы жанұялар мен отбасылық қиын жағдайда қалған жандардың несиелік қарыздарын белгелі бір мөлшерде кешіру жөнідегі жағымды жаңалықты естіп жатырмыз. Бұл да біз үшін үлкен қолдау болар еді.
Иә, осындай қолдаудың барлығы жыл басында Елбасымыздың Қазақстан халқына жолдаған «Қазақстандықтардың әл-ауқатының өсуі: табыс пен тұрмыс сапасын арттыру» атты Жолдауы аясында қолға алынып жатқан маңызды бастамалар деп білеміз. Мұндай көмекті көрсетіп, әлеуметтің әлеуетін арттыру жолында тың шешімдер қабылдап жатқан ел билігіне мен разымын. Мұның барлығы елдегі оң көзқарас пен балаларымның несібесі деп білемін.
Г.Мижанова,
көп балалы ана,
Арал қаласының тұрғыны.