АРАЛДА «ДЕНСАУЛЫҚ ФЕСТИВАЛІ – 2019» АКЦИЯСЫ ӨТТІ

   Кеше Арал қаласында дәстүрлі «Денсаулық фестивалі – 2019» акциясы өтті. Халықты салауатты өмір салтын сақтауға шақырған шара «Саламатты сандарға қол жеткіз» ұранымен бастау алып, жиналғандар жаппай таңғы жаттығу жасады. 400-ге жуық қала тұрғындары білікті дәрігерлер қабылдауында болып, тегін медициналық тексеруден өтуге мүмкіндік алды. Сонымен қатар, игі шара аясында орталық алаңда түрлі спорттық шаралар ұйымдастырылды.  Денсаулық фестивалінің ашылу салтанатында Қызылорда облыстық жастар денсаулық орталығы Арал аудандық бөлімшесінің дәрігері Г.Семибиева сөз алып, жас желектей өсіп келе жатқан жеткіншектеріміздің санасына ішімдік, темекі, есірткі заттарының адам баласын аздыратынын, одан аулақ болу жақтарын түсіндіріп, салауатты өмір салтын ұстануға шақыру мақсатында ауданымызда дәстүрлі «Денсаулық фестивалі – 2019» ұйымдастырылып отырғандығын жеткізді.
  Одан әрі шараға қатысқан аудандық тауарлармен көрсетілетін қызметтердің сапасы мен қауіпсіздігін бақылау басқармасының бөлім басшысы О.Мошанов пен аудандық денешынықтыру және спорт бөлімінің басшысы Т.Әлжановтар медициналық қалашықтағы дәрігерлердің жұмысын бақылып, денсаулық сақшыларының жұмысына сәттілік тіледі. Сондай-ақ, шараға қатысушы барша тұрғындарды салауатты өмір салтын ұстануға шақырды.
Арал ауданы әкімінің баспасөз қызметі