Аралдық мұғалім Министрдің "Құрмет грамотасымен" марапатталды

Арал қаласында өткен ұстаздар мерекесіне арналған салтанатты шарада бірқатар мұғалімдердің мәртебесі өсті. Бала тәрбиесінде айрықша еңбек етіп жүрген мұғалімдер марапат биігінен көрінді. Бұл туралы Арал Аудандық Білім Бөлімінің facebook парақшасында жазды, - деп хабарлайды tolqyn.kz сайты. 
"Ұстаздар күні мерекесіне арналған «Ұстаз – Ұлы есім» атты салтанатты шарада аудан әкімі М.Оразбаев ұлтқа мақтаныш, ұжымға сыйлы болып, ұлағатты ұрпақ тәрбиелеуде талмай талпынып жүрген ұстаздар қауымын кәсіби мерекелерімен құттықтап, мерекелік лебізін білдірді.
"№64 орта мектептің география пәні мұғалімі, директордың оқу ісі жөніндегі орынбасары Қонысбаев Биғазы «география» пәні бойынша олимпиадада аудандағы 79 ұстаздың арасында бағын сынап, «ГЕОГРАФ – ПРАКТИКАНТ» номинациясына ие болып, 50 мың теңге қаржылай сыйақы алды," – деп жазды.
Сонымен қатар, мереке аясында еңбегімен еленіп жүрген аталмыш мекептің басшысы Тлепов Кенжебек ҚР Білім және Ғылым Министрлігінің «Құрмет грамотасымен» марапатталды.