Бейсенбіге арналған ауа райы болжамы

«Қазгидромет» РМК 21 қарашаға арналған ауа райы болжамын ұсынады, деп хабарлайды inform.kz

Атмосфералық ауа ағындардың өтуіне байланысты республиканың басым бөлігінде құбылмалы ауа райы сақталады, кей жерлерде жауын-шашын (көбінесе қар) жауады, жел күшейеді, бұрқасын, тұман, көктайғақ күтіледі.

Алматы, Жамбыл, облыстарының кей жерлерінде тұман, көктайғақ күтіледі, күндіз жел 15-20 м/с күшейеді, Жамбыл облысының кей жерлерінде жаяу бұрқасын күтіледі. Түркістан, Қызылорда облыстарының кей жерлерінде тұман, бұрқасын күтіледі, жел 15-20 м/с жылдамдықпен соғады.

Түркістан облысының кей жерлерінде көктайғақ күтіледі. Маңғыстау облысының кей жерлерінде түнде және таңеретең тұман, көктайғақ күтіледі, күндіз жел 15-20 м/с күшейеді.

Қостанай, Қарағанды, Шығыс Қазақстан, түнде Павлодар облыстарының кей жерлерінде тұман, Шығыс Қазақстан облысының түнде және таңеретең кей жерлерінде жаяу бұрқасын болып, желдің жылдамдығы 15-20 м/с жетеді.