Ертең бес облыста жел күшейіп, жауын жауады

Ақмола, Қарағанды, Қызылорда, Павлодар, Солтүстік Қазақстан облыстарында ауа райының қолайсыздығына байланысты ескерту жарияланды, деп хабарлайды inform.kz Қазгидрометке сілтеме жасап.

24 сәуірде Ақмола облысының кей жерлерінде қатты нөсер немесе бұршақ жауады, найғазай жарқылдайды, тұман түсуі мүмкін. Оңтүстік-батыстан соғатын жел солтүстік-шығысқа ауысады, кей жерлерде күші 15-20 м/с жетуі мүмкін.

Сол күні Көкшетау қаласында оңтүстік-батыстан соғатын жел солтүстік-шығысқа ауысады, екпіні 15 м/с жетеді.

24 сәуірде Қарағанды облысының кей жерлерінде найзағай, тұман күтіледі. Жел шығыстан батысқа ауысады, кей жерлерінде екпіні 15-20 м/с жетуі мүмкін.

Сол күні Жезқазған қаласында найзағай күтіледі. Жел шығыстан батысқа ауысады, екпіні 15-20 м/с жетеді.

24 сәуірде Қызылорда облысының кей жерлерінде найзағай жарқылдайды, шаңды дауыл соғады. Күндіз кей жерлерде бұршақ күтіледі. Түнде облыстың басым бөлігінде жаңбыр жаууы мүмкін. Жел солтүстік-батыстан солтүстік-шығысқа ауысады, күші кей жерлерде 15-20, екпіні 23 м/с күтіледі.

24 сәуірде күндіз Павлодар облысының кей жерлерінде найзағай, дауыл, бұршақ күтіледі. Шығыстан соғатын желдің күші кей жерлерде 15-20, күндіз нөсер кезінде екпіні 25 м/с жетеді.

Сол күні күндіз Павлодар қаласында шығыстан жел соғады, екпіні 15-20 м/с жетеді.

24 сәуірде күндіз Солтүстік Қазақстан облысының басым бөлігінде жаңбыр жауады, кей жерлерде найзағай жарқылдайды. Оңтүстік-батыстан жел соғады, кей жерлерде күші 15-20, екпіні 25 м/с жетеді.

Сол күні Петропавл қаласында оңтүстік-батыстан жел соғады екпіні 15-20 м/с күтіледі.