Аралдың адамдары
(80 жылдық мерейтойына орай)Қарақұмдық ардагер ұстаз, Қазақстан Журналистер одағының мүшесі, қаламгер
Иманбай ӘЙТІМОВКЕ
Болмысы бар кейде шадыр, кейде кең,
Ауылдастар: "Жазушымыз!" дейді екен.
Бір шалғайда шеткерірек жүрген соң,
Дейміз іздеп:"Қайда екен Имекең?!"
Сөзінің жоқ бұра тартар бұлтағы,
Сарқылмаған шабытының бұрқағы.
Қасарысса кім-кімге де тік сөйлер,
Байғарадай жаужүректің ұрпағы!
Өр жүрегін әлдилеген арман-ән,
Бозаң шақтан ақ парағын қамдаған.
Ғасырлардың сүр қойнауын ақтарып,
Кітап жазды әз-жұртына арнаған.
Сексенінде селкеу білмес таңы бар,
Кеудесінен талай сырлар ағылар.
Аты шыққан баспасөзде жан-жаққа,
Қарақұмның тарлан шері танымал!
Бар шәкірті бағалаған Имекең,
Кейінгілер ағалаған Имекең.
Қазағымның қазыналы бір қарты—
Дана адам, дара адам Имекең!
Ерғали АБДУЛЛА
"Арал әлемі" газеті. 2026 жыл
