Мексикалық бойжеткен "Әлем аруы-2021" байқауында жеңіске жетті
26 жастағы мексикалық бойжеткен Андреа Меза "Әлем аруы-2021" атанды, деп хабарлайды Stan.kz ақпарат агенттігі. Алғашқы бестікке Бразилия, Үндістан, Доминикан республикасы және Перу мемлекеттерінің өкілдері еніпті.
Айта кетсек, "Әлем аруы" байқауы өткен жылы өткізілмеген еді. Биыл сұлулық сайысы АҚШ-тың Холливуд қаласында ұйымдастырылған.
Қазақстанның намысын 19 жастағы қызылордалық бойжеткен Камилла Серікбай қорғады. Камилла - С. Демирел атындағы университеттің заң факультетінің студенті.
stan.kz
