Солтүстік Корея Шығыс теңізіне қарай тағы зымыран ұшырды – БАҚ

Солтүстік Корея жексенбі күні Шығыс теңізіне қарай болжам бойынша анықталмаған баллистикалық зымыран ұшырды. Бұл туралы YONHAP агенттігі елдің қорғаныс ведомствосына сілтеме жасап жазды, деп хабарлайды ҚазАқпарат.

Штабтар бастығының бірлескен комитетінен мәлім еткендей, бұл ұшырылым екі апта ішінде жасалған «жетінші араңдату». Өзге мәліметтер жарияланбады.

Айта кетсек, сенбі күні Оңтүстік Корея мен АҚШ америка авиатасымалдағышы жұмылдырылған әскери-теңіз күштерінің оқу-жаттығуын аяқтаған болатын.

«Бір күн бұрын Корей Халық Демократиялық Республикасының Ұлттық авиация басқармасы Пхеньянның ракета сынақтары «қорғаныс» болып табылатынын мәлімдеген еді. Себебі АҚШ-ты әскери қауіп деп есептейді», - деп жазады YONHAP.

Бірер күн бұрын ғана Солтүстік Корея Жапон теңізіне қарай екі баллистикалық зымыран ұшырғанын жазған болатынбыз.