Камчаткада жоғалған Ми-8 тікұшағы апатқа ұшырады
Камчаткада бір күн бұрын жоғалып кеткен Ми-8 тікұшағы апатқа ұшырады. Құтқарушылар оның сынықтарын әуеден тапқан. Бұл туралы ТАСС агенттігіне Ресей Төтенше жағдайлар министрлігінің баспасөз қызметі хабарлады. «Жоғалған тікұшақтың қалдықтары әуеден табылды. Ол 900 м биіктікте, соңғы рет байланысқа шыққан жеріне жақын орналасқан», - деп хабарлады баспасөз қызметі.
Бұған дейін хабарланғандай, кеше Камчаткада «Витязь-Аэро» әуе компаниясының Ми-8 тікұшағы жоғалып кетті. Әуе көлігі федералды агенттігінің мәліметі бойынша, бортта барлығы 22 адам: 3 экипаж мүшесі және 19 жолаушы болған.
Ақпарат көзі: kaz.inform.kz
Сурет: ашық дереккөз
