БҰҰ ұшағы Сомалиге шұғыл қонды
Біріккен Ұлттар Ұйымының (БҰҰ) ұшағы шассиі істен шығып, Сомали астанасы Могадишоға шұғыл қонды, деп хабарлайды BAQ.KZ.Оқиға туралы хабарлама БҰҰ сайтында жарияланды.
Ұшақ Могадишодан Сомалидің басқа қаласы Байдоаға ұшып бара жатқанда, экипаж шассидің ақауын анықтады. Ұшқыштар әуежайға оралу туралы шешімді тез қабылдады.
БҰҰ хабарлағандай, эвакуация кезінде бір жолаушы жеңіл жарақат алған, ал қалған жолаушылар мен экипаж мүшелері зардап шеккен жоқ.
Arlaadi media хабарлауынша, ұшақ бортында БҰҰ-ның 17 қызметкері болған.
Фото: baq.kz
