Нью-Йоркте қазақтың салт-дәстүрі дәріптелді
Нью-Йоркте қазақтың салт-дәстүрі дәріптелді. Манхэттеннің әр бөлігінде адамдар асық ойнап, гір тасын көтеріп, арқан тартып сайысты. Шараға қазақ диаспорасы өкілдері мен шаһар тұрғындары мен қонақтары жиналды. Олар қазақтың ұлттық киімін киіп, әндерін шырқап, би байқауларына қатысты. Ал Нью-Йорк университетінің «Номад» студенттік клубында Ұлы дала елінің ұлттық ойындары танысытырылымы өтті. Жиналғандар қазақтың салт-дәстүріне тәнті болып, ұлттық ойындардың өте қызық өтетінін жеткізді.
