Бәсекелестік қабілет-биікке өрлеудің баспалдағы

Қоғам бар жерде бәсекелестік орта пайда болатыны қалыпты жағдай. Түптің түбінде елден ел, адамнан адам білімімен, іскерлік қабілетімен озатыны дәлелдеуді қажет етпейтін дүние. Сондықтан, біз қай уақытта да бәсекеге қабілетке сай бола білуіміз керек. Бұл жөнінде Елбасымыздың да айтқаны бар. Шындығында, белгілі бір ортада бәсекелестік белең алмайынша жаңашылдық, ілгерілеушілік қалыптаспайды. Ал, бәсекелестік жоқ жерде алға басу да жоқ. Міне, осы бәсекелестік қабілеттің қазіргі таңда да елімізге берер мүмкіндігі аса мол екені белгілі. Бұл жөніне Елбасымыз да айрықша мән бергенін айта кету керек. Яғни, тұтас халықтың өзі бәсекелік қабілетті арттыру арқылы табысқа жетуге болатындығын айтты. Мемлекет басшысы Н. Ә. Назарбаев «Болашаққа бағдар: рухани жаңғыру» атты бағдарламалық мақаласында:

...Болашақта ұлттың табысты болуы оның табиғи байлығымен емес, адамдарының бәсекелік қабілетімен айқындалады. Сондықтан, әрбір қазақстандық, сол арқылы тұтас ұлт ХХІ ғасырға лайықты қасиеттерге ие болуы керек. Мысалы,  компьютерлік сауаттылық, шет тілдерін білу, мәдени ашықтық сияқты факторлар әркімнің алға басуына сөзсіз қажетті алғышарттардың санатында. Сол себепті, «Цифрлы Қазақстан», «Үш тілде білім беру», «Мәдени және конфессияаралық келісім» сияқты бағдарламалар-ұлтымызды, яғни барша қазақстандықтарды ХХІ ғасырдың талаптарына даярлаудың қамы,-деген болатын. Демек бүгінгі бәсекелестік қабілет біздің биікке өрлеуіміздің басты баспалдағы болмақ. Біз сол арқылы дамушы елдердің санатына еніп, елдіктің озық үлгісін қалыптастырамыз.

 А. Көшекбаева,

«Барсакелмес» мемлекеттік табиғи қорығы

РММ-нің экотуризм маманы.