Толқын Tolqyn.kz ақпараттық агенттігі
» » Жаңақұрылыстықтар ризашылық білдірді

Жаңақұрылыстықтар ризашылық білдірді

Елдегі жасалып жатқан үлгі аларлық жақсы істерді айту үлкендік парыз деп білемін. «Халқың қаласа, хан боларсың»  деген, облыстың жаңа басшысы Гүлшара Наушақызы Әбдіқалықованың солтүстік аудандардың елді мекендерін аралайды деген хабар естігеннен кейін, ауыл тұрғындары бір қуанып қалды. Әрине халық қасиетті Рамазан айының ораза күндеріндегі іссапарына сәттілік тілеп, тілеулестіктерін білдірді. Шалғайдағы елді мекендердің тыныс-тірліктерін көзбен көріп, жергілікті халықпен кездесуі, бұл халық пен  биліктің бір-біріне жақындауы деп білеміз. Жолдың ойлы-шұқырлығына қарамай, ұзақ жол жүріп келген аймақ басшысының жүзінде шаршаңқылық білінбеді.Түтіні түзу, бірлігі мен тірлігі жарасқан  Жаңақұрылыс елді мекенінің ауыл тұрғындарымен, ардагерлерімен кездесіп, ауылдың тыныс-тіршілігімен танысты. Халықтың ұсыныс-пікірлерін тыңдады. Халыққа керегі бүгінгі таңда автожол мен байланыс, интернет жүйелері оң шешімін тапса екен деген сауалдарына аудан әкімі Мұхтар Оразбаевпен бірлесе отырып, оң шешімін табатындығын айтты. Әрине біз оған ризашылығымызды білдірдік.
Жолдың ауыртпалығына қарамай, қанша шақырым жол жүріп, жол жағалай орналасқан елді мекендердің тыныс-тіршілігін көзбен көріп, тұрғындардың өтініш-тілектерін өз аузынан естіп, аманат арқалау үлкен жұмыс. Оны орындау одан да үлкен жұмыс екенін халық біледі, басшы да біледі. Облыс басшысының іс-қимылы, сөздеріне ауыл тұрғындары ризашылықтарын білдіріп, ауыл ақсақалдары қасиеті Рамазан айындағы іссапарына сәттілік тіледі.
Сердалы Шалбаев,
Жаңақұрылыс ауылдық ардагерлер кеңесінің төрағасы
21 мамыр 2020 ж. 563 0