Қазақстанның екі өңірінде дауыл соғады
Синоптиктер сейсенбі күні Қазақстанның кей аймақтарында қатты жел соғып, күн күркіреуі мүмкін дейдіҚазақстанның екі өңірінде сейсенбі 14 тамыз күні дабылды ескерту жарияланды, деп хабарлайды "Қазгидромет" баспасөз қызметі.Синоптиктердің болжамына сүйенсек, бүгін күндіз Ақтөбе облысында кей жерлерде күн күркіреп, оңтүстік-батыс және батыстан соққан желдің екпіні 15-20 м/с жетеді.
Ақтөбе қаласында күндіз күн күркіреп, батыстан соққан желдің екпіні 17 м/с болады. Дауылдың ықтималдығы – 65-70 %.
Қызылорда облысында да дауылдың ықтималдығы өте жоғары – 95-100%. Сейсенбі-бейсенбі аралығында жылдамдығы 15-20 м/с жел соғады.
