«Адалдық пен имандылық»
Қызылорда облысының бас имамы Б.Абуов пен Сыбайлас жемқорлыққа қарсы іс-қимыл агенттігінің Қызылорда облысы бойынша департамент басшысының бірінші орынбасары Ғ.Әлімқұлова «Адалдық пен имандылық» тақырыбында тікелей эфир өткізді.Antikor.live жобасы аясында өткен тікелей эфирдегі сұхбатта Бас имам БолатбекҰласқанұлы аят-хадистерге негізделген «адал» ұғымының мән-мағынасына тоқталды. Ислам тарихынан алынған мысалдар мен адал өмір сүру, адалдықты ұстанудың мұсылман адамның өмірі мен құлшылығына әсерін түсіндіріп, жұма күнгі уағыздар барысында жемқорлық салдары туралы айтылатындығын ортаға салды.Сонымен қатар, «Қоғамдағы сыбайлас жемқорлыққа қарсы мәдениетті қалыптастырудағы діни ұйымдардың рөлі» атты тақырыпта баяндама жасап, қазақ халқының бір туар данышпандарының дана сөздеріне тоқталып өтті.
Өз кезегінде департамент басшысының бірінші орынбасары Ғалия Ұбайдуллақызы «Исламда пара алу мен пара беруге қатаң тыйым салған. Қоғамды мұндай келеңсіздіктен арылту үшін бірлесе күресуіміз керек», - деп, тың бастамасын ортаға салды.
Сондай-ақ, «Әділдік пен Адалдық» қасиеті жайында баяндап, жемқорлықтың қоғамға тигізер зияны жайлы айтып, эфир барысында көрермендердің сауалдарына жауаптар берді.
