Елдің бірлігі бәрінен маңызды

Жуық арада болған қайғылы оқиғалар кезіндегі экстремистермен күресте азаматтарымыздың көпшілігі патриоттық танытты. Халықтың бірлігі, Қазақстанның тәуелсіздігі мен егеменді дамуы идеясына деген шынайы сенімі – еліміздің дамуы мен қоғам болып ұйысуының мықты іргетасы. Біз барлық қиындықты бірлесе еңсереміз. Жаңа Қазақстанды бірге құрамыз, – деген ел президентінің Мәжілістің жалпы отырысында сөйлеген сөзі баршамызды бір серпілтіп, жаңаша көзқараспен өзгерістерге бет бұру қажеттігі дәлелдей түсті.Ел болудың асыл мұраты Тәуелсіздік пен ел бірлігі екенін әрбір қазақ естен шығармауы тиіс.

Сондай-ақ, ел президеті Қасым-Жомарт Тоқаевтың «Тәуелсіздік бәрінен қымбат» деп аталатын мақаласында еліміздің өткен тарихы мен Тәуелсіздік жылдары жеткен жетістіктері айтылған.Шынында адам баласы өз елінің патриоты болуы үшін білім мен тәрбие алып, рухани құндылықтарды бойына сіңіре отырып, жеке тұлға болып қалыптасу кезінде патриотқа айналады.

Мақалада:Елі мен жерін сүю үшін жас ұрпақ байтақ Қазақстанның ғажайып жауһарларын білуге тиіс. Батыста Бозжыра мен Шерқала, күнгейде Ақсу-Жабағылы мен Сайрам-Өгем, Жетісуда Хан Тәңірі мен Шарын, Көлсай мен Қайыңды, Қапал- Арасан, Алтынемел мен Бұрхан бұлақ, шығыста Мұзтау мен Шыңғыстау, Марқакөл мен Рахман қайнары, Арқада Бурабай мен Баянауыл, Ұлытау мен Қарқаралы, теріскейде Имантау мен Айыртау және басқа да көрікті жерлеріміз жетіп артылады. Жер жәннатын алыстан іздеудің қажеті жоқ. Бәрі өзімізде бар. Жастарға осындай керемет табиғатымызды танытып, оны қадірлеуге баулуымыз керек. Халқымыздың біртуар перзенті Әлихан Бөкейханов «Ұлтқа қызмет ету білімнен емес, мінезден» деген. Біз шынайы патриоттық сезіммен рухтанып, қасиетті Тәуелсіздігімізді одан әрі нығайта түсу үшін бірлесе жұмыс істеуіміз керек.

Тәуелсіз ел болу оны жариялаумен немесе мемлекеттің іргетасын қалаумен шектелмейді. Тәуелсіздік үшін нағыз күрес күнделікті еңбекпен, үздіксіз әрі дәйекті елдік саясатпен мәңгі жалғасады. Біз қуатты тәуелсіз мемлекетімізбен ғана ұлт ретінде жер бетінде сақталамыз. Осы айнымас ақиқатты берік ұстануымыз қажет. «Тәуелсіздік бәрінен қымбат!» деген бір ауыз сөз мәңгі ұранымыз болуға тиіс делінген.

Ұлтымыздың ұлы ұстыны – қастерлі Тәуелсіздігіміз барша жұртымыздың патриоттық рухымен асқақтай берсін.

Осы орайда біздер, мұғалімдер қауымы елі үшін аянбай еңбек ететін, патриот жас ұрпақты тәрбиелеу басты міндетіміз деп есептеймін.

Салтанат АБДУЛЛАЕВА,

"Nur Otan" партиясы белсендісі,

№71 орта мектеп директоры