Коронавирус инфекциясының алдын алу шаралары

Қазіргі таңда коронавирус инфекциясына байланысты Арал ауданы бойынша жалпы эпидемиологиялық ахуал тұрақты. Тұрғындар арасында қыркүйек айына коронавирус инфекциясымен тіркелген ауру жоқ. Дегенмен коронавирус жұқтыру ықтималдығы әрқашан жоғары болады. Біз коронавирустың ешқайда жоғалмағанын түсінуіміз керек, ол біздің арамызда өмір сүре береді, бірақ аурудың клиникалық белгілерін біле жүріп, алдын алу шараларын үнемі ұстануымыз тиіс.  

Аурудың клиникалық белгілері:дене қызуының көтерілуі, тамақтың жұтындырмауы, қарлығуы,мұрынның бітелуі, бас ауруы, шаршағыштық, аяқ-қол буындарының сырқырауы, түшкіру, жөтелу, құсу, іш өту белгілері болады. Ауру асқынған жағдайда науқас пневмонияға шалдығуы мүмкін. Сонымен қатар өте ауыр асқынулары  өкпе мен бүйрек  жұмысының әлсіреуіне әкеп соғады.

Алдыналушаралары:

Ауырып жүрген адамдарда және олардың заттарына жақындамау, байланысқа түскен жағдайда бетперде кию. Қоғамдық орындарда бетперде кию ұсынылады;

Кез келген қоғамдық орыннан келгеннен кейін және тамақ әзірлеудің, тамақтанудың  алдында қолды сабынмен мұқият жуу немесе құрамында спирті бар салфеткалармен сүрту.

Көкөністер мен жеміс-жидектерді қолданудан бұрын мұқият жуыңыз;

Иммундық жүйені жақсы қалыпта ұстау үшін дұрыс тамақтану көкөніс пен жеміс-жидектен тұратын толыққанды байытылған тамақ көздерін пайдалану;

Дене шынықтырумен, спортпен айналысу және организмді шынықтыру.

Аурудан сақтанудың ең тиімді жолы  - осы ауруға  қарсы екпе алу болып табылады. Бүгінгі таңда аудан тұрғындарын  коронавирусқа қарсы егу шарасымен қамту тұрақты түрде жүргізіліп келеді.  2021 жылдың наурыз айынан бері  коронавирусқа қарсы вакцинаның І-ші компонентімен- 37826 адам, П-ші компонентімен – 37433 адам қамтылды.  Егу шарасы одан әрі жалғасуда. Аудан бойынша коронавирусты инфекциясына қайталап егумен 21751 адам, пфайзер вакцинасымен 12-17 жас аралығындағы жасөспірімдер мен жүкті және емізулі аналар егілгені – 6579 адам.   

Індетті жою үшін жоғарыда аталған аурудың алдын алу шараларын қатаң сақтауға шақырамыз.

Г. Әйімбетова,

Арал санитариялық-эпидемиологиялық

бақылау басқармасының жетекші маманы