Жаңалыққа толы Жолдау ауылдағы ағайынды ерекше қуантты

Ақпараттық-насихаттық топ мүшелері Шөмішкөл елді мекенінің тұрғындарымен кездесіп, ҚР Президенті Қасым-Жомарт Тоқаевтың халыққа Жолдауын түсіндіру жұмыстарын жүргізді. Ұлттық қордан 18 жасқа дейінгі балаларға ақша бөлінуі, бала күтіміне байланысты төленетін жәрдемақының 1,5 жылға дейін созылуы, ең төменгі жалақының жоғарылауы секілді мақсат-міндеттерді ауыл тұрғындары халықтың әл-ауқатын жақсартуға бағытталған жағымды тұстары деп бағалады.

Сонымен қатар, Президент Жолдауда келесі жылдан бастап ұлттық жобаны жүзеге асыруды тапсырғанын айтып өткен болатын. «Бұл құжат, ең алдымен, ауыл тұрғындарының сұранысын қанағаттандыруға арналған», - деп баса мән беріп өтті Қасым-Жомарт Тоқаев. Нақтырақ айтар болсақ, алдағы екі жылда елді мекендердегі емдеу мекемелерінің қатарын көбейтіп, медициналық және фельдшерлік-акушерлік бөлімшелер салынады. Бұл жаңалық та елді мекен тұрғындарын ерекше қуантты.