Толқын Tolqyn.kz ақпараттық агенттігі
» » Ауданда өрт қауіпсіздігі айлығы басталды

Ауданда өрт қауіпсіздігі айлығы басталды

Арал ауданы жылыту маусымына байланысты Қызылорда облысының Төтенше жағдайлар департаментінің  2022 жылғы 31 қазандағы №3 бұйрығына сәйкес қараша айының 1 мен 31 аралығында «Өрт қауіпсіздігі айлығын» жариялады.Іс-шараларды өткізудің негізгі мақсаты – халықты пешпен және электрмен жылыту аспаптарын пайдалану кезінде тұрмыстығы өрт қауіпсіздігі шараларын сақтау.Халыққа түсіндіру негізінде жергілікті полиция қызметін, жергілікті атқарушы органдарды, волонтерлерді және басқа да мүдделі қызметтерді тарта отырып, бұқаралық ақпарат құралдары, әлеуметтік желілер, аулаларды аралау,  тұрғындармен жиын өткізу, сонымен қатар жалғыз басты қарттар мен әлеуметтік келісім шарт негізінде ақшалай көмекке жүгінген отбасыларға түсіндірме жұмыстары жүргізілетін болады.
Осы орайда алдағы рейдтік іс-шара жүргізу кезінде тұрмысы төмен және жалғыз басты қарттарға, көп балалы ата-аналардың үйлеріне көмірқышқыл газын анықтайтын датчиктер орнатылу жұмыстары атқарылуда. Осыған байланысты Арал ауданының Төтенше жағдайлар бөлімі және №3 МӨСБ-нің қызметкерлері Арал қаласы мен елді мекендегі тұрғындарына іс-шараларға түсіністікпен қарауды сұрайды.
Арал ауданының төтенше жағдайлар бөлімі
12 қараша 2022 ж. 380 0