Балық шаруашылығы мәселесі қаралды

Айдынды Арал өлкесінің негізгі кәсібі балық шаруашылығы екендігі белгілі. Атаулы шаруашылықтың да өз мәселелері мен оның шешу жолдары болатындығы да анық. Жуырда балық шаруашылығы саласындағы мәселелер бойынша жиналыс өткен болатын. Қызылорда облысының табиғи ресурстар және табиғат пайдалануды реттеу басқармасының басшысы М.Құрманбаевтың қатысуымен ZOOM желісі арқылы балық шаруашылығында туындап отырған мәселелер және балық шаруашылығы саласын дамыту бойынша онлайн форматта жиналыс өткізілді. Ауданнан «Арал СДО» жауапкершілігі шектеулі серіктестігінің директоры Ә. Әйімбетов, балық шаруашылығының ардагері З. Ермаханов және аудандық ауыл шаруашылығы бөлімінің балық шаруашылығын дамыту секторының қызметкерлері қатысты.
Күн тәртібінде көктем мезгілінде балық аулау, кәсіпшілік күш-жігер нормативтеріне өзгерістер енгізу және инкубациялық цех құрылысы жобасын іске асыру жөніндегі мәселелер талқыланды.
Сонымен бірге жиналыс қорытындысы бойынша өңірде балық шаруашылығын дамытудың өзекті мәселелері талқыланып, көкейтесті сұрақтарға ұтымды жауаптар алынып, балық шаруашылығын дамыту жолдары жан-жақты сараланып, ұсыныс-пікірлер берілді.