Жемқорлық – қоғам дерті

Жемқорлықпен күрес бүгінде елімізде мемлекеттік маңызы бар түйткілді мәселеге айналып отырғандығы шындық. Еліміздің ертеңі үшін, болашақ келер ұрпақ алдында еңсемізді биік көтеріп жүру үшін жемқорлық індетпен белсене күресу, оны жою бағытындағы шараларды жүйелі жүргізіп отыру шарт.Сыбайлас жемқорлық әлеуметтік-экономикалық даму үдерісін, нарықтық эканомиканың құрылуын, инвестициялар тарту процесін тежейді. Демократиялық мемлекеттің саяси және қоғамдық институттарына кері әсерін тигізеді, елдің болашақ дамуына елеулі қауіп төндіреді. Қазақстанның мемлекеттік саясатының негізгі басымдылығының бірі сыбайлас жемқорлықпен күрес болып табылады.

Сыбайлас жемқорлыққа қарсы стратегияның негізгі басымдықтарының бірі – сыбайлас жемқорлыққа қарсы мәдениет деңгейін қалыптастыру. Сыбайлас жемқорлыққа қарсы мәдениет – бұл адамның саналы және адамгершілікпен сыбайлас жемқорлыққа қарсы тұру қабілетін айтамыз. Парасаттылық – ізгіліктің іргетасы, адалдықты ту еткен әрбір азамат мәдениеттіліктің үлгісін көрсете біліп, қоғамға толымды пайдасын тигізгісі келсе, сыбайластықтың алдын алып, рухани азық болар кітапты көп оқи отыра, адами қасиеттерін жоймай, жақсы мен жаманның, ар мен арсыздың ара-жігін ажыратады деп білемін.

Сонымен қатар сыбайлас жемқорлықпен пәрменді күресу үшін халықтың құқықтық сауатсыздығын жоятын, құқықты түсіндіру жұмысының деңгейі мен сапасын арттыру керектігінің нақты жолдарын білуіміз қажет.Сондықтан жемқорлықпен күресу барлық Қазақстан Республикасы азаматтарының азаматтық борышы деп білуіміз керек.

Жанар АҚЫЛЖАНҚЫЗЫ,
«Аудандық орталықтандырылған
кітапханалар жүйесінің» директоры