Қос колледж түлектеріне диплом табысталды

Жақында аудандық колледж түлектері армандарына бір қадам жақындап, асыл мақсаттарының бір белесін бағындырды. Оқу орнының қабырғасынан түлеп ұшқалы отқан түлектерге «Жас маман, болашаққа бас қадам!» атты диплом табыстау рәсімі өтті. Барлығы 257 студент маман атанып, оның ішінде 9 студент оқуды Үздік дипломмен аяқтады.

Колледж түлектерін құттықтауға директорлар және арнайы әлеуметтік серіктестіктер мен арнайы қонақтар қатысты. Олар жас түлектерді дипломмен және студенттік өмірдің қоғамдық жұмыстарында белсенді болған, үлгілі тәртібі мен оқуға құштарлығымен көзге түскен студенттерге арнайы алғыс хатпен марапаттап, маңызды сәттерімен құттықтап, биік белестерді бағындыратындықтарына сенімді екенін баса айтты.

Сонымен қатар балаға білім беруде ұстаздармен қатар тәрбие ісіне белсенді араласқан ата-аналар да назардан тыс қалмай, Алғыс хаттармен марапатталды. Сәйкесінше, ұл-қызына саналы тәрбие беріп, адамгершіліктің дәнін еккен белсенді студенттердің ата-аналары да ұжымға алғыстарын білдірді.

Жас мамандардың кәсіптік еңбек жолына сәт сапар тілейміз!

Г. САҚТАПОВА