Барсакелмес қорығындағы Үйлестіру кеңесінің жаңа құрамы бекітілді

Жуырда Барсакелмес мемлекеттік табиғи қорығы жанынан құрылған Үйлестіру кеңесінің жаңа құрамы бекітілді. Осыған орай, кеңестің жаңа құрамы Барсакелмес қорығы мен жақын орналасқан елді мекендерде туризмді дамытудағы туындаған өзекті мәселелерді тиімді әрі сапалы шешімін табуға міндетті. Себебі, Барсакелмес қорығы Қызылорда облысындағы бірден-бір қорық болғандықтан, кеңес құрамы облыс көлеміндегі қызығушы тараптардан құралған. Үйлестіру кеңесінің жаңа мүшелері биылғы жылғы мекеменің туристік көрсеткіштері мен келер жылға туризмді дамыту саласындағы атқарылатын жұмыстарды талқылады.

Үйлестіру кеңесі – ерекше қорғалатын табиғи аумақтарда туризм мен рекреацияны дамыту, сондай-ақ табиғат қорғау мекемелерін басқару тиімділігін арттыру мәселелері бойынша қабылданатын шешімдердің ашыктығын қамтамасыз ету мақсатында табиғат қорғау мекемелері жанынан құрылатын консультациялық-кеңесші орган.

Үйлестіру кеңесінің негізгі мақсаттары: ерекше қорғалатын табиғи аумақтарда туризм мен рекреацияны дамыту мәселелері бойынша шешімдер қабылдау кезінде табиғат қорғау мекемелері қызметінің ашықтығын қамтамасыз ету және табиғат қорғау мекемелерін басқару тиімділігін арттыру болып табылады.

А. Есенова

Барсакелмес мемлекеттік

 табиғи қорығының

инженер-экологы