Жасөспірімдер арасындағы зорлық зомбылықты болдырмау мақсатында жиналыс өткізілді

Кеше Арал ауданы Полиция бөлімінің жергілікті полиция қызметі бөлімшесінің Отбасылық-тұрмыстық зорлық-зомбылыққа қарсы күрес тобының инспекторы полиция капитаны Манасов Әл-Фараби Әділжанұлы кәмелетке толмағандар арасындағы, қылмыстық құқық бұзушылықтың, зорлық зомбылықтың алдын алу мақсатында Арал қаласы №192 орта мектеп оқушыларына жиналыс өткізілді.Қоғамда болып жатқан тұрмыстық зорлық-зомбылықтың түрлерімен формалары және олардың алдын алу шаралы жөнінде, сонымен қатар жасөспірімдер арасында құқық бұзушылық деректері белең алып кеткендігі қазіргі таңда жасырын емес. Осы тұрғыда білім алушы оқушылардың құқық бұзушылықтан сақтандыру, оның алдын алу шаралары жөнінде ақпараттар және арнайы бейнероликтер көрсетіліп, профилактикалық түсіндірме жұмыстары жүргізілді.
Сонымен қатар, кәмелетке толмағандардың арасындағы мектепшілік ішкі тәртіп ережелерін сақтау, зорлық - зомбылыққа, топтық төбелеске жол бермеу, буллинг, кибербуллинг мәселелері, құқық бұзушылықтардың, теріс әрекеттердің соңы қылмыс пен өкінішке апаратыны туралы нақты мысалдар келтіріліп, толық мәліметтер беріліп, жасөспірімдердің қауіпсіздігін қамтамасыз ету мақсатында тапсырмалар мен ұсыныстар жасалды.
#БІЗДІҢПОЛИЦИЯ
#НАШАПОЛИЦИЯ
#БІЛГЕНІҢІЗАБЗАЛ
#ВАЖНОЗНАТЬ
#ЗАҢМЕНТӘРТІП
#ЗАКОНИПОРЯДОК

АРАЛ АУДАНЫНЫҢ ПОЛИЦИЯ БӨЛІМІ