Жедел ішек инфекцияларының алдын алыңыз
Бүгінгі біздің сұхбатымыз Арал аудандық санитариялық-эпидемиологиялық бақылау басқармасының басшысы А.Сатекееваменжұқпалы жедел ішек ауруларының алдын алу шараларытақырыбында болмақ.
Сұрақ:Жұқпалы жедел ішек аурулары туралы оқырманның біреуі білсе,біреуі білмеуі мүмкін. Аурудың жұғу, таралу жолдарытуралы түсіндіріп өтсеңіз?
Жауап: Жұқпалы жедел ішек аурулары - асқазан-ішек жолдарының қабынуымен сипатталатын, бактериялармен, вирустармен шақырылатын, іш өту, адам ағзасының уыттануымен және сусыздануымен сипатталатын әртүрлі жұқпалы аурулар тобы. Жұқпаның негізгі көзі–науқас адам, сондай-ақ ауру тасымалдаушылар. Таралу жолдары-су, тағам және тұрмыстық қарым-қатынас арқылы. Бала күтімінің нашарлығы және сәбилерді қосымша тамақтандыру кезінде ас дайындаудағы тиісті ережелердің сақталмауы аурушаңдықтың сәбилер арасында тіркелуінің негізгі себептері болуы мүмкін.
Сұрақ:Ауру қоздырғыштары қоршаған сыртқы ортада қалай сақталады ?
Жауап : Ауру қоздырғыштары қоршаған сыртқы ортада жақсы сақталады. Мысалы, ластанған ыдыста, топырақта- 3 айға дейін, тамақ өнімдерінде, оның ішінде сүт және ет өнімдерінде, салаттарда және т.б.)-бірнеше тәулік бойы, суда-5-6 күнге дейін сақталады. Сүт және сүт өнімдері, салат пен басқа да азық-түліктерде ішек жұқпаларының қоздырғыштары тек жақсы сақталып қана қоймай, сонымен қатар тамақ өнімдерінің дәмдік қасиеттерін өзгертпей-ақ, көбеюі мүмкін. Жедел ішек аурулары жыл мезгілінің барлық уақыттарында тіркеле береді, дегенмен жұқпаның жиі тіркелетін кезеңі әр жылдың мамыр-қазан айларының аралығы. Бұл мезгілдерде ауа-райы жылып, күн ысып, ауру қоздырғыштарының сыртқы ортада сақталып қана қоймай, тез бұзылатын тағам түрлері- ет, сүт, балық өнімдерінде, салаттарда, кремді, кондитерлік өнімдерде көбейе түсуіне қолайлы жағдай туады. Сонымен қатар жаз-күз мезгілдерінде топырақпен, тыңайтқыштармен ластанған көкөніс, жеміс-жидектерді жумай жеу -аурудың көптеп тіркелуіне себепші болады.
Сұрақ:Жұқпалы жедел ішек ауруларының алдын алу шаралары,қандай сақтану жолдары бар,сол жөнінде айтсаңыз?
Жауап :-Сәбилерді 1 жасқа дейін ана сүтімен емізу;
Жеке бас тазалық шараларының қарапайым қағидаларын сақтау (ас ішер алдында , әжетханадан кейін қолды сабындап жуу);
Суды тек қайнатылған түрде , сүтті пісірілген күйінде ішу.Көкөністер мен жеміс-жидектерді жидектерді мұқият жуу, қайнаған сумен шаю. Ас дайындауға , ыдыс жуу және ауыз су үшін ашық су көздерін- айдындардың, арықтардың суын пайдаланбау
Дайындалған тағамдардың бетін ашық қалдырмау. Исі, дәмі бұзылған азық-түліктерді пайдаланбау. Тез бұзылатын тағамдарды тоңазытқышта сақтау
Жиналып қалған лас- қоқыстарды уақытылы тазалап отыру. Ауру тасымалдаушысы -шыбындарға қарсы есік-терезелерді торлау, оларды жою;Қосымша тамақ берілетін нәрестелерге ас дайындау кезінде олардың аналарымен тиісті тазалық ережелерін қатаң сақтап ,бала емізіп отырған аналардың өз тамақтану дағдысына мұқият болу керек.
Сұхбатыңызға рахмет !
Сұхбаттасқан: А. НҰРЛАНОВА
Фото: Н. Нұржаубай
