Келініне былапыт сөйлеген қайынағасы әкімшілік жауапкершілікке тартылды

Арал аудандық сотында азамат К-ге қатысты Қазақстан Республикасының ӘҚБтК-нің 73-бабының 1-бөлігімен әкімшілік құқық бұзушылық туралы іс қаралды.

Сотта анықталғандай, азамат К. алкогольдік ішімдік ішкен масаң күйде келіні А-ға сыйламаушылық көрсетіп, былапыт сөйлеп, үй тыныштығын бұзған.

Сотта жәбірленуші А. қайынағасы тарапынан мұндай жағдайдың жиі болып тұратынын көрсетіп, оған жаза қолдануды сұраған.

К-нің құқық бұзушылық әрекеті, сотта зерттелген іс құжаттарымен толық дәлелденген.

Сот қаулысымен К. жоғарыда аталған баппен кінәлі деп танылып, 5 тәулік мерзімге әкімшілік қамаққа алу жазасы тағайындалды.

Сонымен қатар, К-нің мінез-құлқына үш ай мерзімге алкогольдік ішімдік ішуге, есірткі, психотроптық заттарды қолдануға толық көлемде тыйым салуды көздейтiн ерекше талаптар белгiленген.

Қаулы заңды күшіне енбеген.

Арал аудандық соты

Фото: Н. Нұржаубай