“TAUEKEL” ҚОҒАМДЫҚ БІРЛЕСТІГІНІҢ ТӨРАҒАСЫ БУРАХАН ДАХАНОВ АРАЛ АУДАНЫНДА

Бүгін Арал ауданына Солтүстік Қазақстан облысының қоғамдық белсендісі, Солтүстік Қазақстан облысына қоныс аударушыларға еңбегі артық өңірлерден қоныс аударуға жәрдемдесумен айналысатын «TAUEKEL» Қоғамдық бірлестігінің төрағасы Бурахан Даханов пен делегация мүшелері келіп, аудан халқымен кездесу өткізді. Сондай ақ, кездесуге Арал аудандық мәслихатының, “AMANAT” партиясы аудандық филиалының төрағасы Төрахметов Базарбай Шөменұлы, Еңбек мобильділігі орталығы директорының орынбасары Исаев Ауелбек Қорғанбекұлы, "AMANAT" партиясы Қызылорда облыстық филиалының заң-консультанты Алшынбеков Сәбитбек Тынысбекұлы, "Serpin Qoldau" кеңесінің жетекшісі Смайл Насихат Бекарысқызы, қоғам белсенділері Болат Нұрқожаев, Жасұлан Жақыпов қатысты.
Кездесудің негізгі мақсаты «Жұмыс күшінің ұтқырлығын арттыру үшін адамдардың ерікті түрде қоныс аударуы» жобасы аясында аудан тұрғындарына оңтүстіктен солтүстікке қоныс аудару бағдарламасы туралы ақпараттық түсіндірме жұмыстарын жүргізу.
Кездесу барысында спикерлер, Солтүстік өңірлердегі мемлекет тарапынан көрсетілетін көмектер мен жәрдамақылар туралы және аталған жоба төңірегінде біршама ақпараттармен бөлісті.
Сонымен қатар, ауданға жұмыс сапарымен келген делегация мүшелері Ә.Нұрпейісов атындағы әдебиет үйі мен Балықшылар аллеясында болды.