Заңсыз балық аулағандары үшін жазаланды

Арал аудандық сотында алдын ала сөз байласу арқылы заңсыз балық аулаған сотталушылар Е. және Е.-ге қатысты қылмыстық іс қаралды.

Арал ауданы прокуроры мен күдіктілер Е. және Е.-нің арасында кінәні мойындау туралы мәміле нысанындағы процестік келісім жасалып, осыған байланысты іс келісімдік іс жүргізу тәртібімен қаралды.

Сотта анықталғандай, сотталушылар «Кіші Арал» теңізінің №9 учаскесіне барып заңсыз балық аулағаны анықталған.

Сот үкімімен сотталушылар Е. және Е. ҚК-нің 335-бабы 3-бөлігі 4) тармағы бойынша кінәлі деп танылып, 3 жылға балық аулау қызметімен айналысу құқығынан айырыла отырып, оларға 3 жылға бас бостандығынан шектеу жазасы тағайындалды.

Сондай-ақ, сотталушылардың әрқайсынан жәбірленушілер өтемақы қорына 78 640 теңге мәжбүрлі төлем өндірілді.

Үкім заңды күшіне енбеген.

Арал аудандық соты