Басқару құқығынан айырыла тұра көлік тізгіндеген

Арал аудандық сотында Қазақстан Республикасының ӘҚБтК-нің 612-бабының 3-бөлігімен азамат Н-ға қатысты әкімшілік құқық бұзушылық туралы іс қаралды.

Әкімшілік құқық бұзушылық туралы хаттамаға сәйкес, азамат Н. 2024 жылы Ақтөбе қаласының әкімшілік құқық бұзушылықтар жөніндегі мамандандырылған ауданаралық сотының қаулысымен ӘҚБтК-нің 613-бабының 4-бөлігімен кінәлі деп танылып, сегіз жыл мерзімге көлік құралын басқару құқығынан айырылғанына қарамастан, ағымдағы жылдың 6 шілдеде көлік құралын басқарған.

Сот отырысында оның құқық бұзушылық әрекеті өзінің кінәсін мойындаған түсінігімен, сондай-ақ сотта зерттелген іс құжаттарымен толық дәлелденген.

Азамат Н-ның кінәсін мойындауы және іс-әрекетіне шын жүректен өкінуі жауаптылықты жеңілдететін мән-жайлар деп танылды. Оның жауаптылығын ауырлататын мән-жайлар анықталмаған.

Сот қаулысымен құқық бұзушы Н. Қазақстан Республикасының ӘҚБтК-нің 612-бабының 3-бөлігінде көзделген құқық бұзушылықты жасағаны үшін кінәлі деп танылып, оған 151 375 теңге әкімшілік айыппұл салу түріндегі әкімшілік жаза тағайындалды.

Сот қаулысы заңды күшіне енген жоқ.

Арал аудандық соты