"Немерелерімен бірге рэп оқиды": 80 жастағы Вайнер әже жұртты тәнті етті
Немересімен бірге рэп оқитын, түрлі челлендждерді айнытпай қайталайтын Мәриям әже әлеуметтік желі қолданушыларына жақсы таныс. Көрерменнің көзайымына айналған вайнер әжей немерелері мен шөберелерінен қолы қалт еткен кезде вайн түсірумен айналысады."Кеше ғана 79 жасқа келдім. 2017 жылдан бастап вайнға түсемін. Өзім үйрендім, маған жағып қалды, қызық болды. Балам жұмыстан кейін вайнға түсіреді. Немереме қосылып, көңілімді көтеріп тұрамын", - дейді Мәриям Амраева.Бүгінде әжей немересінен жазып алған 100-ден астам рэп жаттаған. Немересімен бірге жұрттың ықыласына бөленген 80 жастағы әже бұл істің ұнайтынын ашық айтты. Бүгінде әжесі мен немересінің жазылушыларының саны көп.
